Të rejat e mbrëmshme në Big Brother

17.02.2010

Vazhdojnë festimet

Pavarësia e Kosovës në shtëpinë e Big Brother i ka gjetur banorët me këngë e festime. Të gjithë janë mbledhur në oborr të ndarë nga gardhi dhe festojnë. Ata kanë kërcyer me muzikë moderne, por edhe me këngët e viteve ’80. ndër të tjera Erjoni me Rezartën kanë kërcyer për një kohë të gjatë sipër një tavoline. Me pije e verë, këngë e kërcime është festuar në shtëpinë më të famshme në Shqipëri festa e Pavarësisë së Kosovës. Gjatë festimeve duket se banorët i kanë lënë mënjanë lojën dhe strategjitë, inatet apo hatërmbetjet dhe kanë festuar së bashku mes shakave e të qeshurave.

Bledi kthehet, fillon festa

Qëndrimi i Bledit në shtëpinë e re nuk zgjat më shumë se një orë. Sidoqoftë ai e ka shfrytëzuar këtë kohë për të ndenjur më afër banorëve, ku spikat afrimi me Oltën. Ai u sjell banorëve cigare dhe si këmbim u kërkon dy shishe verë. Ndërsa Bledi kthehet në shtëpinë e vjetër, banorët vendosin të organizojnë një festë. Ata përgatiten dhe nëpër gota të dy palët e banorëve mbajnë gotat me verë. Ata nuk harrojnë ; të ngrenë dolli për Pavarsine e Kosovës si dhe të kërcejnë e këndojnë

Bertina bisedon me Erionin

Bertina dhe Erioni diskutojnë për gjendjen e krijuar mes tyre. Bertina e sheh që Erioni është i mërzitur e i afrohet të flasë me të. Erioni shprehet se e ka nga situata e krijuar dhe se s’mund ta anashkalojë sic bën ajo, por Bertina i thotë se ai duhet ta kalojë pasi qëllimi i futjes në shtëpi është loja e jo të rrijë i mërzitur për gjërat që ndodhin. Erioni i tregon edhe se i mungojnë shumë gjëra nga jashtë apo edhe banorët e tjerë që janë në shtëpinë tjetër, por Bertina mendon se edhe këtu mund t’i ndodhin gjëra të bukura. Ata diskutojnë edhe për mosmarrëveshjet që kanë ku Erioni i thotë se gjendja e tij shpirtërore varet nga mënyra se si i flet ajo dhe ka raste që nervozohet shumë. Edhe Bertina i thotë se nervozohet, por sipas Erionit ajo e kalon më thjeshtë se ai këtë gjendje, ndërsa ajo mendon se e ka më të thjeshtë sepse ka kaluar shumë në jetë. Ajo i thotë se në këtë shtëpi është lidhur vec me të dhe me Kikën dhe atij nuk ia do kurrë të keqen dhe nëse e kritikon e bën për të mirën e tij. Bertina i tregon për debatin e fundit dhe ia komenton sipas mënyrës së saj duke i përsëritur se ai duhet të ketë kujdes që të mos përdoret nga të tjerët.

Bledi në shtëpinë e re

Banorët e shtëpisë së vjetër mblidhen në dhomën e ndenjjes ku Rezarta u lexon një komunikim nga Vëllai i Madh në të cilin shkruhet se për njërin nga banorët e rinj është rezervuar një surprizë, por ai duhet të zgjidhet nga banorët e vjetër. Banorët e vjetër vendosin që të hedhin një short me letër me vrimë e kujt t’i bjerë le të marrë surprizën. Banorët e rinj zgjedhin nga një letër dhe fati i qëllon Bledit. Asnjë nga banorët nuk di asgjë dhe Bledi shkon në dhomë të rrëfimit ku i tregojnë se cfarë duhet të bëjë. Banorët e tjerë dalin në kopsht dhe Bledi u tërheq vëmendjen e u thotë se do shkojë deri tek gardhi, pa u treguar detaje. Ai hap një derë të vogël që ndodhet tek gardhi dhe futet brenda ndërsa banorëve u thotë se do lahet në pishinë. Banorët habiten fillimisht, por më pas e kuptojnë dhe e përgëzojnë. Edhe banorët e shtëpisë së re ndodhen brenda shtëpisë së tyre dhe nuk dinë asgjë se cfarë ndodh jashtë. Sapo Bledi futet brenda, ata ngrihen përnjëherë të habitur dhe të gëzuar e shkojnë ta përqafojnë atë. Ai bën shaka dhe thotë se ka thyer ligjin, ndërsa Miri pretendon se ra “muri” e do vijnë dhe të tjerët, por realisht është vetëm ai. Bledi shikon shtëpinë e re. Gjëja e parë që i kërkojnë Bledit është nëse u ka sjellë cigare, ndërsa ai del në kopsht dhe u thotë ish banorëve bashkëjetues se tashmë janë komshinj

Largësia e krijuar