Ministria e mjedisit dhe bashkia e Fierit ,projekt të përbashkët për Gjanicën

Prezantimi i Projektit të Rehabilitimit të Lumit Gjanica, si dhe problemet e shumta mjedisore të qytetit të Fierit, sollën në një tryezë të përbashkët stafin e Ministrisë së Mjedisit, Pyjeve dhe Administrimit të Ujërave, të kryesuar nga z. Fatmir MEDIU, përfaqësuesit  e organizmave më të rëndësishëm që financojnë në fushën e mjedisit si Znj. Camille Nuamah, Përfaqsuesja e Bankës Botërore për Shqipërinë, Përfaqësues të Bankës Gjermane për Zhvillim (KfW)), dhe UNDP-së  si edhe përfaqësues të trupit diplomatik të Suedisë, Italisë si dhe autoritetet lokale të qytetit të Fierit.

Projekti i prezantuar nga Bashkia e Fierit konsistontë në realizimin e këtyre tre elementëve

• Rehabilitimi mjedisor i lumit Gjanica.
• Sistemimi i kanaleve të ujrave të bardha e të zeza
• Shtrirja  e rrugës në të dy krahët e lumit, gjë e cila do të reduktojë ndjeshëm ndotjen e tij.

 Në fjalën e tij Ministri Mediu u shpreh se: “Mjedisi në vendin tonë përbën një nga problemet më të rëndesishme, që me të drejtë është trajtuar si prioritet në programet dhe objektivat e qeverisë.

Angazhimi i donacioneve të huaja ndaj çështjeve te mjedisit, ka luajtur nje rol te rendesishëm dhe do të mbetet një mbështetje e çmuar jo vetem në forcimin dhe përsosjen e sistemit të menaxhimit te mjedisit në Shqipëri, por edhe për përparimin e vendit, sidomos në proçesin e integrimit në Bashkimin Europian.   

Gjithashtu, Decentralizimi i kompetencave dhe të marrjes, sa vjen e me tepër, të përgjegjësive në mbrojtje te mjedisit nga Pushteti Vendor perben jo vetem  nje domosdoshmeri, por dhe nje garanci me shume te sukseseve te politikave e te qeverise ne kete fushe”.