4 të vrarë dhe mbi 50 të plagosur nga një prej shpërthimeve në prag të zgjedhjeve në Irak

Shpërthimi i një autobombe që goditi dy autobusë turistësh në qytetin Naxhaf të Irakut sot, la të vrarë katër vetë dhe mbi 50 të plagosur, vetëm një ditë para zgjedhjeve kombëtare në Irak.

Zyrtarët irakianë thonë se sulmi u krye pranë tempullit të Imam Aliut, një pikë turistike që vizitohet nga miliona pelegrinë shiitë nga Iraku dhe Irani çdo vit.

Zyrtarët thonë se katër të vdekurit ishin turistë iranianë. Më parë, zyrtatët kishin thënë se shpërthimi la të vrarë dy iranianë dhe një irakian. 

Shpërthimi pasoi paralajmërimin e djeshëm nga një grup i lidhur me al-Kaidën, Shteti Islamik i Irkaut, i cili tha se çdo kush që vendos të votojë do të vërë jetën në rrezik.

Qeveria e Irakut ka shtuar masat e sigurisë në prag të zgjedhjeve, por shpërthime bombash pranë qendrave të votimit në Bagdad, lanë dje të vrarë të paktën 15 vetë