PS:Padi penale për INSTAT-in, për manipulimin e shifrave të të dhënave të ekonomisë

Kriza ekonomike në të cilën ka hyrë vendi po thellohet, tendenca e mazhorances për të fshehur të vërtetën e ekonomisë është po aq e rëndë sa kriza. Kryetari i Partisë Socialiste, Edi Rama duke komentuar krizën ekonomike në vend, është shprehur se opozita po studion mundësinë e ngritjes së një padie penale për INSTAT-in, për manipulimin e shifrave të të dhënave të ekonomisë. Gjithashtu Rama ka krahasuar tunelin e krizës ekonomike me atë të Kalimashit, duke theksuar faktin se tuneli i krizës ekonomike mund të kthehet në një katastrofë kombëtare.