SOT 20.03.2010 NE BIG BROTHER

Klodi i nevrikosur

Ada dhe Olta qëndrojnë në kopësht pasi janë marrë me rergullimin e objekteve për provën e javës. Olta shprehet se Seldi është shumë punëtor dhe e dëgjon shumë fjalën e të tjerëve, pasi po t’i thuash për të bërë një punë, e bën menjëherë. Ada përgjigjet që Seldi është i edukuar dhe si rrjedhojë di se si të sillet.
Ndëkohë një pjesë e banorëve, vazhdon të merret me provën e javës.
Ndërsa Klodi ka që në mëngjes që kërkon syzet e tij të diellit, pasi njëri nga banorët ia ka marrë dhe nuk po ia kthen. Ai i thotë Jetmirit nëse ka dijeni për këtë dhe ai i përgjigjet që i ka patur ai më parë dhe i ka lënë tek komodina e tij, por tani nuk janë më aty dhe ai do të pyesë banorët e tjerë se kush i ka marrë. Jetmiri i thotë Klodit që ai kishte pohuar që nuk i interesojnë syzet ndërsa tani është i mërzitur. Klodi i thotë që ai do t’a ngrejë zërin sa të dojë pasi ka një javë që i kërkon dhe nuk ia kthejnë

Erioni nuk përshëndet Oltën

Ada dhe Olta kanë dalë në kopësht dhe kanë gjetur Erionin aty. Ai ka shkëmbyer disa fjalë me Adën dhe ka marrë për të ikur. Sapo ka kthyer kurrizin, Olta e ka thirrur dhe i thotë “mirmëngjes Erioni’. Ai ngel disa çaste duke e parë dhe i përgjigjet që këtë duhet t’ia kishte thënë që më parë kur kanë qënë në sallon të dy dhe ajo nuk i ka ngritur fare sytë. Olta shprehet se ai ka qënë shumë larg saj dhe ajo nuk mund t’i fliste, por tani ishte më e përshtatshme që të flisnin. Erioni thotë me shaka që ajo nuk ia ka dërguar faljen zyrtare dhe Olta përgjigjet që nuk ka pse t’a bëjë. Kur Erioni largohet Olta i thotë Adës se Erioni kujtohet me vonesë për t’i folur.
Më pas Olta shprehet se dhe Edi po sillet çuditashëm dhe i rri si larg. Ada përgjigjet që ato nuk mund të depërtojnë në mendjen e njerëzve për të zbuluar se çfarë i shqetëson, por po të duan le t‘ua thonë vetë. Olta shprehet se ajo do t’a pyesë Edin se pse e mban këtë qëndrim ndaj saj

Të shqetësuar për moskorrektesë

Ada dhe Edi janë të parët që janë zgjuar dhe dalin në kopësht. Ada shprehet se dikush ia ka marrë cigaret pasi i kanë ngelur pothuaj gjysma e atyre që kishte. Edi e pyet se kujt i ka dhënë leje që të marrë cigare tek gjërat e saj dhe ajo përgjigjet që nuk ia ka dhënë askijt këtë të drejtë, të paktën jo pa pyetur atë më parë. Edi e pyet nëse Seldi ka ngelur pa cigare dhe Ada shprehet se atij i jep Olta gjatë gjithë kohës.
Edi shprehet se ai ka dy-tre ditë që nuk ka cigare dhe tani duhet t’i kërkojë Mirit. Edi thotë se atij ia kërkojnë cigaret për momentin duke i thënë se do t’ia kthejnë më vonë dhe nuk e bëjnë asnjëherë kthimin mbrapsht të cigareve. Ai shprehet se veten e tyre tregojnë në këtë formë madje ai i vjen zor që t’ia kërkojë më vonë pasi mund të duket keq në sy të të tjerëve. Ada i thotë se kur të mbesë pa cigare, mund t’ i kërkojë asaj sepse nuk e ka problem. Edi shton se javën e kaluar Kika i ka marrë cigare me pretekstin se do t’ia kthente, kur në të vërtetë nuk kishte fare cigare dhe Edit i ka ardhur shumë keq por nuk ia ka thënë akoma. Më pas Ada shkon në kuzhinë për të bërë gati drekën dhe merr dhe Oltën me vete për t’a ndihmuar.
Klodi zgjohet dhe nuk gjen syzet e tij të diellit. Ai shkon në dhomë ku të gjithë janë në gjume dhe i bie derës fort duke bërë që të gjithëve t’iu dalë gjumi dhe i pyet se kush i ka syzet e tij. Erioni, Domi dhe Valoni i kthejnë përgjigje duke i thënë që nuk dinë gjë, por Klodi vazhdon të thërrasë nëpër dhomë se askush nuk ka të drejtë të prekë gjërat e tij personale.

Jetmiri i nervozuar nga pagjumësia

Edi dhe Jetmiri në pamundësi për të fjetur gjumë në dhomë nga zhurmat që bëjnë banorët e tjerë, kanë dalë në kopësht. Ata ankohen se po i lënë pa gjumë dhe pohojnë njëzëri që dhe ata kanë qënë në atë moshë sa Seldi, Olta e të tjerët po nuk kanë bërë ashtu. Jetmiri shprehet se ka një moment të caktuar për të gjitha gjërat dhe tani është momenti për gjumë, dhe do të kenë kohë plot nesër për të qeshur e për të folur. Ai shton se u ka thënë “zhurmuesve” që të shkojnë në sallon për të biseduar, por ata nuk kanë pranuar. Jetmiri shprehet se ai nuk ua ka për borxh që të rri e të pijë cigare në pesë të mëngjesit, si i çmendur. Ai thotë se banorët i kanë kaluar të gjitha normat e mirësjelljes, nuk e dinë se ç’është edukata dhe se bashkëjetesa ka disa rregulla. Për këto arsye ai ka disa netë rradhazi që nuk mund të flerë. Edi i thotë që Jetmiri ka rënë dhe në peshë dhe ai përgjigjet që jaën bashkuar të gjitha bashkë, stresi e pagjumësia. Jetmiri thotë:-“ma kanë hequr trurin”.
Më pas ata futen brenda me shpresën se banorët do të pushojnë. Duke kaluar në sallon, Miri shikon Erionin duke pikturuar dhe i thotë Edit se Erioni ka ikur fare nga mendja.
Si përfundim banorët janë rënë në qetësi dhe të gjithë kanë fjetur përveç Seldit dhe Domit që kanë qëndruar në sallon duke lexuar gazetat Shqip.