PASQYRA E SHTYPIT DITOR NË TIRANË E PRISHTINË

Gazetat shqiptare kanë si argument kryesor të ditës së sotme listat e reja të legalizimeve për banesat në zonat informale, të prezantuara nga ALUIZNI për 3660 familje. Ato paraqesin edhe deklarata të ndryshme politikanësh lidhur me hapjen e kutive apo zgjidhjes së krizës si Sabri Godo, Nasip Naço etj. Ndërkaq, një argument tjetër i të përditshmeve sot është edhe ai i gjyqit të 25-vjeçarit që kreu pengmarrje në mes të Tiranës, ku u tha se ka të meta mendore.

 
E përditshmja “Shekulli” ka si argument kryesor të ditës “Legalizimet, emrat e 3659 fituesve”, i cili citon listat e reja të legalizimeve për banesat në zonat informale, të prezantuara nga ALUIZNI për 3660 familje në vend.

Një artikull tjetër i kësaj gazete është ai me titullin “PD tërhiqet nga komisioni hetimor”.

“Preç Zogaj: Befasia e Berishës, ministra pa karrierë”, është një artikull-intervistë, i cili flet për faktin si u krijua qeveria e djathtë e vitit 2005, në opinionin e ish-demokratit.

Ndërsa çështja e pengmarrjes së para pak ditëve në Tiranë mbërrin në numrin e sotëm të kësaj gazete përmes artikullit “Pengmarrja, avokati: Romeo Lekën vendoseni në psikiatri”.

 
Gazeta “Panorama” publikon si artikullin e saj kryesor ditën e sotme atë me titullin “Lista zyrtare/ Legalizimet, emrat e 3659 fituesve”, i cili listat e reja të legalizimeve për banesat në zonat informale.

Një artikull tjetër i kësaj gazete është edhe ai me titullin “Piktori i Enver Hoxhës: Tablotë Gju më gju me popullin dhe Mbledhja e Moskës, janë zhdukur”.

Ndërkaq, lidhur me hapjen e kutive dhe bojkotin e socialistëve, në këtë të përditshme do të gjeni artikullin me titullin “PS braktis konferencën e kryetarëve, PE: PS në Kuvend ”.

Artikull tjetër i kësaj gazete në kuadrin e vetëvrasjes së fundit të ndodhur në vend është edhe ai me titullin “Vetëvrasja nga kati i 12-të, babai: Në shtator kishim dasëm”.

 
“Gazeta Shqiptare” ka si titull kryesor të saj “Kushtetuesja: Berisha me Dosje hakmarrëse”, i cili tregon sqarimin e Gjykatës Kushtetuese për rrëzimin e ligjit të Lustracionit.

“Tërheqja e Berishës: Iki nga qeveria, bllokmenët i ruan Nano me Ramizin, të qëndrojë Pashko“, është një artikull tjetër i kësaj të përditshmeje i cili iu referohet ngjarjeve politike të fillim-viteve ’90.

Ndërsa në një artikull tjetër në këtë të përditshme do të lexoni atë me titull “Topalli letër diplomatëve kundër PS-së, Xhafaj: ”.

“Biznesmeni: Delijorgji më kërcënon me jetë” është një artikull tjetër që do lexoni në këtë gazetë.

 
Gazeta “Shqip” hapet me titullin kryesor “Godo: Oferta e Berishës nuk zbatohet”, i cili tregon reagimin e presidentit të nderit republikan për hetimin e zgjedhjeve që propozon kryeministri Berisha.

Një artikull tjetër i kësaj gazete është ai me titullin “Ambasadori gjerman në Korçë: Nuk mjaftojnë vetëm reformat, duhet edhe stabilitet politik”.

Ndërsa çështja e krizës ekonomike në Greqi në vend mbërrin në numrin e sotëm të kësaj gazete përmes artikullit “Kriza, 30 % e emigrantëve do të kthehen”.

“Gjyqi i Alfred Moisiut, thirren dy gazetarë” është një artikull tjetër që do lexoni në këtë gazetë.

 
E përditshmja “Koha Jonë” hapet me titullin kryesor “PE: Vizat, propozimi është çështje orësh”, i cili i referohet deklaratës së bërë nga kreu i delegacionit të parlamentarëve evropianë që vizitoi Shqipërinë, Eduard Kukan, për vizat.

Artikull tjetër i kësaj gazete në kuadrin e problematikës së krizës ekonomike është edhe ai me titullin “Bode thirrje bankave: Koha të jepni kredi”.

Një artikull i veçantë i kësaj gazete është edhe ai me titullin “Gjykata Kushtetuese, më keq se Kryesia e PS-së".

Ndërsa në rubrikën “intervista” do të lexoni “Ylli Manjani, zgjedhjet e 28 qershorit, një kapitull i mbyllur”.

 
Gazeta “Korrieri” hapet me titullin “Legalizimet, 3660 emrat e rinj që përfitojnë tapitë e parcelave informale”, i cili paraqet listat e reja të legalizimeve për banesat në zonat informale, të prezantuara nga ALUIZNI për 3660 familje.

Një artikull tjetër i kësaj gazete është edhe ai me titull “Naço: Hapja e kutive, në bashkëpunim me 100 prokurorë”.

“Mashtrimi me vizat greke, nis hetimi për Omonian” është një artikull tjetër që do lexoni në këtë gazetë.

“Rrëzimi i Dosjeve, Kushtetuesja zbardh vendimin”, i referohet vendimit të Kushtetueses për Lustracionin.

Më poshtë vijojnë disa nga titujt kryesorë të gazetave të publikuara më datën 24 mars 2010  në Prishtine:

Gazeta “Bota sot”

MOHIMI I MUNDËSISË PËR DREJTËSI
Për mosfunksionimin e gjyqësorit në Veri të Kosovës, fajtor EULEX-i

Vijojnë disa nga titujt tjerë të kësaj gazete:
Paratë publike të investohen në Kosovë
Shtetet që nuk na njohin, të jenë pa rol në EULEX

Gazeta “Epoka e re”

LDK-JA I THOTË DACIT: JO
Kryeziu: Aktualisht një koalicion parazgjedhorë me LDD-në nuk ma merr mendja se mund të bëhet

Vijojnë disa nga titujt tjerë të kësaj gazete:
Feith: Ndryshimet në Qeveri, në duar të Thaçit
Bombat e çlirimit

Gazeta “Express”

RIFORMATIZIMI S’ËSHTË PUNË PËR MUA
Pietet Feith mbështet kryeministrin Thaçi në angazhimin për ndryshime në Qeveri, ndërsa konstaton se riformatizimin është i domosdoshëm. Shefi i ICO-së mohon të jetë i përfshirë në këtë proces. Ai thotë se kjo është përgjegjësi e kreut të Qeverisë

Vijojnë disa nga titujt tjerë të kësaj gazete:
Prokuroria për gjynah
Koordinimi me aleatë

Gazeta “Koha ditore”

BE-JA PËRCAKTON PIKËN E VET PËR VERIUN E KOSOVËS
Brukseli ka miratuar planin e vet për veriun e Kosovës, me anë të të cilit mbi të gjitha pretendon që deri në fund të vitit të ketë një EULEX funksional dhe efikas mbi Lumin Ibër. Diplomatët ndërkombëtarë thonë se plani i BE-së nuk është në kundërshtim me strategjinë e ICO-së për veriun. Për çdo lloj pyetje nga mediat në lidhje me veriun, Brukseli ka dërguar dokumentin me përgjigjet e gatshme, të cilat zyrtarët e BE-së në Kosovë duhet ti përdorin dhe t’i përsërisin “sa më shpesh që të jetë e mundur”

Vijojnë disa nga titujt tjerë të kësaj gazete:
Spanja thotë se ka “precedent” për të ftuar Kosovën në konferencën e Sarajevës
PDK-ja ia lë integrimet LDK-së, Rexhepin rikthen në Qeveri

Gazeta “Kosova Sot”

DITA E MADHE

Politikanët kosovarë dhe ekspertët e sigurisë vlerësojnë se 24 marsi mbetet një ditë historike për Kosovën. Bombardimet e NATO-s shënuan një ngjarje të madhe edhe për rajonin dhe Aleancën, ndërsa i sollën shpresën popullit shqiptar
Vijojnë disa nga titujt tjerë të kësaj gazete:
Sheret Ahmeti hiqet nga policia, shkon në Paris
Përforcohet prokuroria e Qarkut në Prishtinë

Gazeta “Lajm”

I FRIKËSUAR
EULEX-i dhe Qeveria kanë përgjegjësi luftën kundër korrupsionit, por asnjëra nuk e fillon. Ndryshe, nëse EULEX0i i “dorëzon” kompetencat për luftimin e krimit dhe korrupsionit tek vendorët, Brukseli duhet ta marrë një vendim të ri, me të cilin ta shndërroj misionin e tij në një mision këshillues dhe jo me kompetenca ekzekutive

Vijojnë disa nga titujt tjerë të kësaj gazete:
Trashëgimia në baltë
Lagjja e harruar nga komuna, “fashti” Kolovicë

Gazeta “Zëri”

JOFORMATIMI, SINJAL PËR ZGJEDHJE
Zvarritja e ndryshimeve në kabinetin qeveritarë ka nxitur kërkesat e opozitës për zgjedhje të parakohshme

Vijojnë disa nga titujt tjerë të kësaj gazete:
KQZ e pafuqishme përballë të “fortëve”
Beogradi kushtëzon Shkupin