Polonia në zi kombëtare

Nje avion ushtarak riatdhesoi vetem trupin e Kaczynskit, ndersa trupi i bashkeshortes Maria eshte derguar ne Moske se bashku me trupat e 95 viktimave te tjera. Pas nje ceremonie me nderime ushtarake ne aeroport, arkivoli i presidentit u transportua ne Pallatin Presidencial. Nder shume figura te larta te politikes polake, familjare dhe miq, ne aeroport ndodhej edhe presidenti i Parlamentit Evropian, polaku Jerzy Buzek.

Polonia eshte ne zi kombetare pas nje nate homazhesh dhe lutjesh per viktimat e katastrofes qe ndodhi prane Smolenskut, ne perendim, me pasoje 96 te vdekur. Si per ironi te fatit, delegacioni polak kryesuar nga Presidenti Kaczynski po shkonte ne ceremonine e 70-vjetorit te masakres se mijera oficereve polake, te ekzekutuar nga Stalini, prane Smolenskut. Ne Poloni, vend me 90 per qind katolike, meshat e se dieles, shume te frekuentuara, iu kushtuan viktimave te katastrofes.