Vajzat zgjohen të parat

16/04/10 13:10

Banorët vazhdojnë të flenë dhe pse dritat janë ndezur, por disa prej tyre e kanë vërtet të vështirë për t’u zgjuar pasi kanë fjetur rreth orës dhjetë të mëngjesit. Gjithsesi, Domi është e para që zgjohet dhe del në kopësht për të parë si është koha. Ajo gëzohet kur sheh që jashtë ka diell dhe qëndron tek karriket në kopësht me sy mbyllur, e thuajse vazhdon të flerë atje. Pas saj çohet Jona, e cila pasi bën një xhiro përreth shtëpisë, shkon përsëri tek krevati i saj dhe shtrihet. Klodi zgjohet, e përqafohet me Domin. Më pas Domi, Tatiana dhe Jona qëndrojnë në kopësht duke folur për produktet e kozmetikës dhe përdorimet e tyre. Vajzat bisedojnë dhe për tatuazhet dhe Tatiana shprehet se nuk i preferon aspak, ndërsa Domi thotë se ka ndërmënd t’a bëjë një të tillë e Tatiana përgjigjet se nuk ia këshillon sepse është shumë e dhimbshme dhe tatuazhi nuk ka ndonjë vlerë të madhe, aq sa për t’i duruar dhimbjet.
Po ashtu vajzat flasin për Erionin dhe Jetmirin, të cilët kanë qëndruar deri në mëngjes zgjuar dhe thonë se nuk e kuptojnë arsyen pse ata duhet t’i bëjnë lojrat natën dhe jo ditën.

Miri dhe Hakiu flasin për Erionin
16/04/10 09:37

Të tre djemtë futen në kuzhinë për të përgatitur mëngjesin. Ndërsa gatuajnë, ata qeshin dhe bëjnë shaka me hundën e enjtur të Mirit. Më pas, Hakiu dhe Miri dalin jashtë për të ngrënë. At qeshin me disa batuta të Erionit për gjumin e pabërë këtë natë e duke folur për të, Miri shprehet se e kishte këshillonte më parë Erionin që ta linte Bertinën që të flinte që gjatë ditës të ishte aktive, kur ajo ishte ende në shtëpi. Duke kujtuar kohën kur ishte Bertina, Hakiu mendon se për disa gjëra, ajo kishte të drejtë në lidhje me Erionin. Edhe Miri pohon dhe tregon se pasi doli Bertina, Erioni e humbi duke u bashkuar me grupin tjetër. Ai tregon se gjatë asaj kohe, Erioni thuajse nuk i fliste fare. Miri mendon se gjatë takimit me Bertinën këtë të shtunë, ajo do t’i ketë tërhequr vërejtje që ai u rikthye prapë me ta. të dy flasin fjalë pozitive për Bertinën dhe karakterin e saj, pavarësisht ndonjë sjelljeje të gabuar. Miri mendon se në disa raste, Erioni sillet si fëmijë duke e humbur situatën. Ata e lënë bisedën pasi Erioni bashkohet me ta për të ngrënë mëngjesin.

Nominimet dhe cmimi final
16/04/10 07:30

Djemtë dalin jashtë e bashkë me ta edhe Hakiu. Erioni duket i mërzitur nga debati me Seldin sidomos kur ai i tha “shoku” e duke ia përsëritur këtë. Miri e qetëson duke i thënë se në këtë rast, ai kishte të drejtë. Sipas tij, Seldi apo ndonjë tjetër mund të bëjë cfarë të dojë, edhe ta provokojë nga nervat, pasi është pjesë e lojës. Më pas, ata kthehen nga Hakiu e duke biseduar e ngacmuar njeri-tjetrin, Hakiu shprehet se ata bënë gabim që po ngacmonin Jonën. Miri ia kthen se ata e dinë mirë se ajo është e lidhur, por thjesht po bënin shaka. Erionit i kujtohet një shprehje e Hakiut që e ka thënë më parë se ata të dy, Miri dhe Erioni, qëndrojnë ende në shtëpi të kapur pas tij. Miri tregon se nuk e dinte këtë dhe e pyet nëse është e vërtetë. hakiut nuk i kujtohet, ndërsa Miri shprehet se nëse është e vërtetë, atëherë nuk do ia falë këtë gjë. Hakiu justifikohet se ndoshta nuk e ka thënë në këtë kontekst, pasi nuk i kujtohet dhe të tre e kalojnë me të qeshur këtë bisedë. Dy djemtë ngacmojnë Hakiun në lidhje me nominimin e kësaj jave dhe Kika ua kthen duke qeshur se vetëm për shkak të zhgënjimit, Erioni nuk duhej ta nominonte. Të tre fillojnë të “zihen” se kush do e marrë cmimin final dhe Erioni thotë se ndërsa ata diskutojnë, cmimin do e marrë ai. Hakiu i thotë Mirit se Erioni ka qejf të dalë në nominim duke i kërkuar Mirit që ta nominojnë për t’i bërë qejfin. Miri shprehet se ka bërë një premtim që Erionin nuk do e nominojë, por shton se nuk është nevoja pasi do e nominojnë të tjerët si psh. Seldi apo edhe vetë Hakiu. Ai mendon se publiku do e vlerësojë se cili e meriton apo ka nevojë për cmimin. Erioni mendon se një ndër ta është Hakiu, por Miri e kundërshton duke thënë se ai e ka jetën të ngritur, ndërsa ka të tjerë që do e nisin nga zeroja, për veten. Hakiu, në bisedë e sipër shprehet se e ka marrë malli për fëmijët dhe të dy djemtë menjëherë ia kthejnë se ai mund të largohet menjëherë po të dojë. Ata bëjnë llogari se dhe sa duhet të rrinë në këtë shtëpi. Kur mendojnë finalen, Miri thotë me shaka se në finale do rrinë ata të tre dhe Manali me Tatianën. Miri mendon se edhe Klodi nuk do u ndahet hap pas hapi. Ndërsa bisedojnë për eleminimet e dyfishta dhe televotimin e hapur për një kohë të shkurtër, Miri shprehet se nuk e ka problem të dalë me Klodin në dyshe, madje do jetë më mirë për të parë se cili do mbetet në shtëpi. Ai pranon se nuk do ta ketë problem edhe nëse del. Sipas tij, Klodi gjatë kësaj kohe ka qënë i mbrojtur nga vajzat Olta dhe Domenika që e kanë mbajtur afër dhe se nuk ka dalë në nominime të forta si ai. Hakiu tregon se tek java kur ka qënë në nominim ai, Miri dhe Bledi, ia kishte vërtetë frikën Mirit se mund të dilte gjë të cilën e pohon edhe Miri për veten

Miri dhe Erioni ngacmojnë Jonën
16/04/10 05:55

Miri dëshiron që të mos flejë këtë natë. Kështu ai shkon tek krevati i Erionit dhe fillojnë të diskutojnë për ngjarjet e ditë. Më pas, ata ngacmojnë Hakiun dhe Jonën që janë duke fjetur. Miri më së shumti ngacmon Jonën duke e pyetur për përrallat, pas premtimit të saj se përpara se të flinin, do i tregonte një përrallë atij. Jona e përgjumur nuk i kthen përgjigje, por vetëm i kërkon që ta lërë rehat. Por edhe Erioni e ngacmon duke i thirrur në emër që ajo të mos flejë. Miri bërë shaka, i thotë se e dashuron. Jona kthehet duke i kërkuar sërish të flenë, ndërsa ai me Erionin qeshin. Jona kthehet nga ana tjetër, ndërsa kur Miri thotë se ka dëshmitar Erioni që e do atë, Erioni shton se edhe ai e do Jonën. Ngacmimet vazhdojnë dhe Jona ngrihet për të folur me ta. Të tre bisedojnë me zë të ulët, pasi të tjerët flenë. Djemtë shprehen se kanë rënë në dashuri me të brenda dy ditëve, ndërsa ajo thekson se sidoqoftë, ajo e ka të dashurin jashtë dhe ata i shikon vetëm si dy djem lagjeje. Djemtë insistojnë tek ndjenjat e tyre, kryesisht Miri dhe hiqet si i mërzitur që ajo nuk po e respekton deklaratën e tij e të ngrihet të flasë mirë me ta, si një e rritur. Jona thotë se edhe ky është një lloj reagimi dhe shprehet se nuk po i pëlqen kjo sajesë e tyre. Ajo u kërkon sërish që të flejë dhe shtrihet duke i kthyer shpinën djemve. Hakiu zgjohet dhe fillon të ngacmojë dy djemtë duke i krahasuar me personazhë nga “Borbardha dhe 7 xhuxhat”. Seldi zgjohet dhe u kërkon atyre që të pushojnë se po fle. Erioni i thotë se kur bën ai, të tjerët nuk i thonë gjë dhe të dy kapen me fjalë. Miri ndërhyn duke thënë se Seldi ka të drejtë. Ata dalin jashtë.