Jetmiri kërkon të bëjnë diçka ndryshe
19/04/10 14:15

Kika një ditë më parë pati një debat me Erionin ku ky i fundit i thoshte se nëse nominoheshin të dy, Kika do të eleminohej sepse Erioni ka dhënë më shumë në shtëpi. Gjatë këtij debati Kika i thotë se ai është i veçantë dhe nuk ka për të dalë përpara Erionit. Tashmë Jetmiri që gjatë atij diskutimi kishte mbajtur anën e Erionit, i thotë Kikës se ai është i veçantë po aq sa të tjerët, por nuk është se ka dhënë ndonjë gjë të veçantë, përveç faktit që është një aktor i mirë. Jetmiri i kërkon Kikës pasi ky i fundit ia kundërshton vazhdimisht veprimet e tij, që të bëjë ndonjë gjë kreative, të bukur, ose ndonjë lojë. Këtë mendim Jetmiri e plotëson me pyetjen “çfarë do të bëjmë në këto pak javë që kanë ngelur, si do t’i kalojmë?”. Kika i thotë me të qeshur se kohën që ka mbetur do të bëjë luftë dhe Jetmiri i thotë se ai nuk është për luftë, por për paqe. Pas ngacmimeve, ironisë dhe shakave, Jetmiri i kërkon Kikës që të bëjnë ndonjë gjë të bukur dhe këtë herë e thotë me seriozitet. Kështu ai hedh disa ide për të bërë lojra. Më pas ai futet brenda të pyesë edhe banorët e tjerë nëse janë dakort për të zhvilluar lojrat që ai mendon. Jetmiri thërret Manal dhe të dy luajnë me lojën “mos u nxeh”.

Jetmiri lag me ujë vajzat
19/04/10 15:15

Jetmiri që në orët e para të mëngjesit të sotëm, është munduar që gjatë ditës së sotme të organizojë ndonjë lojë me banorët e tjerë. Këtë herë ai ka marrë një shishe plastike dhe e ka mbushur me ujë të nxehtë dhe fillon të luajë duke lagur kryesisht vajzat e shtëpisë. Domenika është në dhomën e gjumit me Seldin dhe duke marrë shkak nga zënkat e çiftit për xhelozi ndaj Jetmirit, ky i fundit nuk ka më mardhënie të mira me asnjërin prej tyre dhe nuk i përfshin në lojë. kështu sapo mbush ujin Jetmiri i afrohet Kikës dhe Manal, por lag vetëm vajzën pasi Kika hyn në dhomën e gjumit dhe e mbyll derën duke e lënë vajzën jashtë dhe Miri e lag. Pas Manal, Jetmiri shkon në banjë ku ndodhet Jona dhe Mandi. Ai i afrohet Mandit dhe e përshëndet, nga ana tjetër lag me ujë Jonën e cila po kreh flokët dhe vetë bën sikur nuk ka ndodhur asgjë. Jona fik tharësen dhe i thotë Jetmirit se veprimi i tij nuk iu duk shaka, as diçka normale që mund të qeshësh. Jetmiri largohet dhe del jashtë ku i tregon Erionit për reagimin e Jonës. Ai thotë se Jonës po i duket vetja me pushime dhe sa herë që ai bën një shaka, ose lojë me të ajo reagon shumë keq dhe seriozisht. Në banjë diskutohet e njëjta temë. Mandi i thotë Jonës se përse ajo nuk qeshi me lojën e Jetmirit. Jona i thotë se lojrat e Mirit nuk janë aspak për të qeshur dhe ajo kishte shumë kohë që mundohej të rregullonte flokët të cilat kur lagen nuk rrinë ashtu si duhet. Ajo i quan veprimet e Mirit si sjellje të një fëmije.
Nga ana tjetër Jetmiri vazhdon lojën me Manal, ku edhe vajza merr një shishe plastike dhe fillon të lagë edhe ajo Jetmirin. Të dy Miri dhe Manal luajnë për një kohë të gjatë me njëri-tjetrin dhe më në fund, me kërkesën e Manal, vendosin që të mos e vazhdojnë më këtë lojë. Jetmiri shkon dhe përsëri i hedh ujë Jonës e cila përsëri vazhdon të reagojë ashpër ndaj tij duke i thënë që kjo nuk mund të quhet lojë.

Erioni dhe Kika sqarohen
19/04/10 16:20

Një ditë më parë Kika dhe Erioni patën një debat dhe tani kërkojnë të sqarojnë keqkuptimet ndërmjet tyre. Kështu Erioni fillon që t’i shpjegojë Kikës arsyet e sjelljeve të tij gjatë debatit të kaluar. Erioni i thotë Kikës se shpeshherë ai ka reguar deri diku edhe ashpër ndaj Kikës jo nga fakti se ka dashur që t’a sulmojë, por ka dashur që të shohë reagimin e Kikës kur ai të thoshte të njëtat gjëra që Kika kishte thënë më parë. Kika i ka marrë veprimet e Erionit si sulme ndaj tij, por Erioni e mohon këtë gjë. Erioni thotë se ai i tha Kikës që në një përballje në nominim Kika do të eleminohej dhe kjo nuk është sulm, por një mënyrë tjetër për të thënë “jam më i miri”. Të dy diskutojnë dhe sqarojnë se nuk kanë asgjë kundër njëri-tjetrit, pavarsisht të gjithave, të dy e vlerësojnë njëri-tjetrin. Kika i thotë Erionit se e ka vlerësuar që nga fillimi, por gjithmonë e ka menduar si njeriun e fundit që mund t’i kundërvihej. Erioni i thotë Kikës se ai e pëlqen tipin e Kikës dhe tek ai sheh veten e tij pas shumë vitesh, por nuk dëshiron që Kika të bjerë pre e përcaktimeve dhe delirimeve të tipit “jam më i miri”. Kika i thotë se kjo shprehje ka dëmtuar atë dhe jo banorët e tjerë, pastaj nuk ka asgjë të keqe që të vlerësosh veten tënde në një moment të caktuar, në varësi të situatës. Erioni i thotë se atij nuk i pëlqen që banorët e rinj të thonë se Kika nga jashtë duket “burrë zotni” dhe brenda në shtëpi nuk është aspak i tillë. Erioni i kërkon Kikës që të jetë më tepër ai Kika që ka qënë në fillim dhe jo të bjerë pre e provokimeve të të tjerëve. Ndër të tjera Kika thotë se brenda shtëpisë ai sheh më parë njeriun, pastaj lojën e tyre dhe Erioni pohon të njëjtën gjë. Më pas Kika i shpjegon Erionit fjalët që i tha gjatë debatit ku shprehej se Erioni nuk kishte dalë në nominim sepse banorët nuk e shohin si kundërshtar të fortë. Kika i thotë se është diçka shumë e mirë që një banor të eci në këtë lojë sa më gjatë pa u nominuar dhe se shprehje të tilla njeriu i përdor në varësi të situatës dhe nervozizmit. Të dy ndajnë mendimin se është më mirë që mes tyre të flasin sa më shumë dhe sa më hapur, duke i sqaruar të gjitha keqkuptimet që mund të lindin, pa lejuar që të kalojnë në zënka dhe debate. Teksa ata diskutojnë, Klodi u thërret banorëve duke i lajmëruar se dreka është gati. Kështu edhe Kika dhe Erioni shkojnë të hanë bashkë me pjestarët e tjerë të shtëpisë.

DUKURI PARALAJMËRUESE PËR FUNDIN E BOTËS

Eurovizion, eleminohet Aurela Gaçe