Bashkia e Milanos do ndihmojë për trafikun në Tiranë

Kryetarja e bashkisë së Milanos, Letizia Morati, i ofroi sot qeverisë shqiptare kryerjen e një studimi nga një prej kompanive më të njohura milaneze për zgjidhjen e problemit të transportit rrugor në Tiranë. Gjatë një konference të përbashkët për shtyp në Tiranë me Kryeministrin Sali Berisha, znj. Morati tha se ky studim do të ofrohet falas nga bashkia e Milanos, ndërkohë që do të jetë qeveria dhe pushteti vendor që do të vendosin për sa i përket shfrytëzimit të këtij studimi.