PS: Greva e arriti qëllimin. Beteja vazhdon

Pas 19 ditësh ngujim në çadrat e ngritura përpara selisë së kryeministrisë, opozita mbylli mbrëmjen e sotme grevën e urisë të nisur në 30 prill. Gjatë fjalimit të tij në protestën e sotme të opozitës, kryesocialisti Edi Rama komunikoi ndërprerjen e grevës pas negociatave me ndërkombëtarët të cilët kanë kërkuar që lideri i opozitës dhe kreu i qeverisë të udhëtojnë nesër drejt Strasburgut për zgjidhjen e ngërçit politik.