PS, Rama, përmirëson sloganin dhe rinis turin në bazë

Nën sloganin “Hap kutitë, Liro vizat, Çliro ekonominë” Edi Rama ka nisur një tjetër tur në qytete të ndryshme të vendit. Në takimet e zhvilluara ditët e fundit me banorë të Beratit, Durrësit, Korçës dhe Elbasanit, Rama tha se kauza e PS-së është një proces i pakthyeshëm që do finalizohet me transparencën e plotë të zgjedhjeve. “Rruga e nisur nuk ka kthim dhe PS pranon kompromisin që i hap rrugë transparencës”, tha Rama në takim me banorët e këtyre qyteteve.