Cavusoglu: Bojkoti dhe greva e urisë është një qëndrim i papjekur në demokraci

Presidenti i Asamblesë Parlamentare të Këshillit të Evropës, Mevlut Cavusoglu e konsideroi bojkotin dhe grevën e urisë së PS-së, një qëndrim të papjekur të opozitës në demokraci. "Bojkoti dhe greva e urisë është një qëndrim i papjekur në demokraci. Populli i ka votuar deputetët për të qëndruar në parlament për të mbrojtur të drejtat e tyre qofshin në opozitë, qofshin në qeveri", tha për mediat Presidenti Cavusoglu, në Qipro në kuadër të punimeve të konferencës së kryetarëve të parlamenteve të vendeve anëtare të KiE-së.