Botërori 2010: Argjentina, Koreja e Jugut kualifikohen për në raundin e dytë

Në grupin B, Argjentina siguroi mbrëmë fitoren e tretë duke mundur Greqinë me rezultat 2-0. Me 9 pikët e saj në grup, Argjentina tregoi forcë duke justifikuar shpresat e fillimit si një prej ekipeve pretendente për titullin. Po në këtë grup, Koreja e Jugut barazoi 2-2 me Nigerinë dhe u kualifikua për në raundin e dytë.

Ne grupin A, për në raundin tjetër u kualifikuan Uruguaji dhe Meksika. Afrika e Jugut, vendi organizator, megjithëse fitoi 2 me 1 me Francën nuk arriti të hyjë në gjashtëmbëdhjetëshe. Ndërsa ndjeshja tjetër, Uruguaj-Meksikë u fitua nga Uruguaji 1 me 0 duke vulosur kualifikimin e tij.