Ekspertet e KE: Jeni ok per vizat!

Shefi i Njësisë së Marrëdhënieve me Jashtë dhe Zgjerimit në Drejtorinë e Përgjithshme për Lirinë dhe Sigurinë të Komisionit Europian, Luigi Soreca, vlerësoi sot në Tiranë, ne nje takim me ministrin e Brendshëm, Lulzim Basha, progresin e Shqipërisë ne plotësimin e kritereve shtesë të Komisionit Europian për liberalizimin e vizave, duke u shprehur se çdo gjë është në rrugën e duhur. Ministri i Brendshëm, Lulzim Basha, tha se qeveria shqiptare, ka përkushtimin jo vetëm për të përmbushur detyrat shtesë të Komisionit Europian për liberalizimin e vizave, por për të vendosur në praktikën e punës të institucioneve shqiptare standardet më të larta të Bashkimit Europian.