OKB-ja, thirrje për të ndihmuar Pakistanin

OKB-ja i bëri thirrje komunitetit ndërkombëtar për të vënë në dispozicion të paktën 40 helikopterë të mëdhenj për t'u ardhur në ndihmë rreth 800 000 personave tërësisht të izoluar në Pakistanin e përfshirë nga përmbytjet, të cilat vazhdojnë të shpërngulin miliona persona në jug të vendit. Në Pakistan i cili po përballet me krizën më të rëndë humanitare të historisë së tij, më tepër se një e pesta e vendit është përmbytur që prej një muaji.Të paktën 1 500 persona kanë vdekur dhe rreth 20 milionë të tjerë janë prekur në shkallë të ndryshme. Sipas vlerësimeve të OKB-së, rreth tetë milionë persona të prekur kanë nevojë për ndihmë urgjente.