Aksion antidrogë i policisë së Tiranës

Policia e Tiranës ka sekuestruar 5,6 kg lëndë narkotike e dyshuar si mariuanë si dhe ka arrestuar tre persona, posedues dhe shpërndarës së saj, njëri prej të cilëve italian. Operacioni u finalizua në afërsi të zonës së “Xhamllikut”, pas një hetimi një mujor. Nga hetimet paraprake rezulton se tre te arrestuarit e shisnin lëndën narkotike në tregun e brendshëm në Tiranë, kryesisht në zonat Kinostudios, Brrylit etj.