Korçë: Projekti i qendrës, sherr Bashki-KRRT

Ndryshimet në masterplanin e qendrës së Korçës kanë ngjallur debate mes bashkisë dhe KRRT-se lokale qe nuk i miraton ato. Masterplani i studios gjermane, Bolles& Wilson, u përzgjodh dy vjet më parë, nga një juri ndërkombëtare, mes 12 projekteve të studiove nga vendi dhe bota. Varianti fitues vendoste një marrëdhënie miqësore me pjesën historike të qytetit, kurse me ndryshimet e bera aty kanë ‘mbirë’ ndërtesa të larta, ku humbasin objektet e traditës. Arkitekti Ilir Voci, anëtar i KRRT-së, shprehet se studimi është manipuluar nga bashkia, me qëllim për të zënë hapësirat publike për interesa vetiake të kryetarit të bashkisë Niko Peleshi dhe bizneseve që qendrojnë prapa tij.