Ministri i Jashtëm i Mbretërisë së Bashkuar, William Hague: "Kosova është shtet i pavarur, sovran dhe integriteti i saj territorial është i pacenueshëm”

Ministri i Punëve të Jashtme i Mbretërisë së Bashkuar, William Hague, garantoi Kryeministrin e Republikës së Kosovës, Hashim Thaçi, në një bisedë telefonike se "Kosova është shtet i pavarur, sovran dhe integriteti i saj territorial është i pacenueshëm”. Ministri Hague tha se "shtetet mike të Republikës së Kosovës nuk do të përkrahin asnjë rezolutë në Asamblenë e Përgjithshme të OKB-së, që mund të përmbajë çfarëdo lloj gjuhe, që mund të interpretohet si thirrje për bisedime të reja për status, apo për çfarëdo riaranzhimi territorial".Kryeministri Thaçi përsëriti qëndrimin se Kosova është e gatshme të ketë bashkëpunim ndërshtetëror me Serbinë, por jo ketë bisedime që lidhen me çështje të brendshme të Republikës së Kosovës.