Faqe e parëArkivëKontaktRSS

I ngarkuari me punë i Rumanisë në Shqipëri, George Miku, u prit sot në një takim nga Ministri i Mbrojtjes, Gazmend Oketa, gjatë të cilit theksoi se “Samiti i prillit në Bukuresht, ku Shqipëria mori ftesën e anëtarësimit në NATO, është një moment i rëndësishëm që padyshim forcon bashkëpunimin mes dy vendeve tona”.
Në këtë takim që u zhvillua në mjediset e Ministrisë së Mbrojtjes, Ambasadori Miku, shoqërohej nga atasheu ushtarak në Tiranë, kolonel Eugen Porojan, bëri të ditur zyra e shtypit.
Marrjen e ftesës për anëtarësimin në NATO në Samitin e prillit, Ambasadori Miku e cilësoi si momentin e tretë historik të Shqipërisë të nënshkruar në Bukuresht. “I pari ishte ai i nëntorit të vitit 1912, ku në Bukuresht u vendos shpallja e Pavarësisë së Shqipërisë, momenti i dytë shtatori i vitit 2006, ku po në Bukuresht Shqipëria u pranua në Organizatën e Frankofonisë dhe momenti i tretë është momenti i Samitit, që forcon pa dyshim bashkëpunimin mes dy  vendeve tona”, theksoi z. Miku. 
Ai konfirmoi gatishmërinë e ambasadës rumune në Tiranë për të mbështetur dhe ndihmuar në çdo kohë bashkëpunimin ushtarak, në veçanti tani që Shqipëria pret të bëhet anëtare me të drejta të plota në NATO. 
Ministri Oketa, duke vlerësuar mbështetjen e Rumanisë në Samitin e Bukureshtit, u shpreh se “jo më larg se një vit, ne jemi të obliguar të përshpejtojmë hapat për prillin e viti 2009, vit i cili do të na bëjë anëtarë të Aleancës”. 
Ministri i Mbrojtjes i konfirmoi Ambasadorit rumun gatishmërinë për thellimin e bashkëpunimit, duke theksuar se “përsa i përket marrëdhënieve mes dy Ministrive, sigurisht që ne kemi se çfarë të përfitojmë dhe padyshim na vjen mirë që fqinjët tanë ecin përpara”.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim