Kombetarja e nis me barazim ne transferte

Një gol i mesfushorit Gjergji Muzaka, në minutën e 87-të, i dhuroi Kombëtares shqiptare barazimin 1-1 ndaj Rumanisë në Piatra Neamt, në takimin e parë të vlefshëm për eleminatoret e kampionatit Evropian 2012, që do të zhvillohet në Poloni dhe Ukrainë. Rumunët kishin kaluar më parë në avantazh në minutën e 80-të me anë të Stancu. Ky barazim për Shqipërinë ndaj Rumanisë vjen pas 51 vitesh. Ndeshja e radhës për Kombëtaren shqiptare do të jetë në 7 shtator ndaj Luksemburgut në stadiumin kombëtar "Qemal Stafa".