Nisi sot sesioni i ri parlamentar

Kuvendi i Shqipërisë nisi te henen sesionin e tretë të Legjislaturës së XVIII-të.Pas ekzekutimit të himnit kombëtar, në prani kabinetit qeverisës dhe përfaqësuesve të trupit diplomatik të akredituar në Tiranë, Kryetarja e Kuvendit, Jozefina Topalli, nënvizoi se axhenda e sesionit të ri është në funksion të reformave të integrimit.Kryeministri Berisha ne fjalen e tij garantoi opozitën se maxhoranca do të çojë përpara reformat politike, ekonomike, sociale në funksion të liberalizimit të vizave dhe integrimit evropian të Shqipërisë. Deputetët miratuan me konsensus kalendarin trejavor të punimeve për periudhën 6 shtator-23 shtator dhe programin e punës së Kuvendit 6 Shtator- 4 Nëntor 2010.