Meta , takim me ambasadoret per rezoluten serbe

Në mbështetje të çështjes së Kosovës dhe duke i paraprirë votimit të projekt-rezolutës serbe që pritet të paraqitet në Asamblenë e Përgjithshme të OKB, zv.kryeminister dhe minister i Punëve të Jashtme, Ilir Meta u takua me Ambasadorët e vendeve anëtare të Organizatës së Konferencës Islamike (OKI). Meta shprehu qëndrimin e Shqipërisë në mbështetje të Kosovës dhe bëri thirrje për mos-mbështetje të projekt-rezolutës serbe, duke e cilësuar të papranueshëm, konfliktual, ndarës dhe të dëmshëm për rajonin e Ballkanit Perëndimor dhe për vetë të ardhmen e Serbisë.