Faqe e parëArkivëKontaktRSS

UNMIK: Beogradi po e shkel Rezoluten 1244 Mbajtja e zgjedhjeve te Republikes se Serbise ne Kosove paraqet shkelje te Rezolutes 1244 te Keshillit te Sigurimit te Kombeve te Bashkuara dhe rezultatet e ketyre zgjedhjeve nuk do te jene te vlefshme, ka deklaruar te dielen zedhenesi i UNMIK-ut, Alexander Ivanko, per Radion Evropa e Lire.UNMIK-u dhe institucionet e Kosovës në vazhdimësi kanë përsëritur qëndrimin se, mbajtja e zgjedhjeve lokale të Serbisë në Kosovë është joligjore dhe se rezultatet që dalin nga këto zgjedhje nuk do të jetë valide. Megjithatë, votimi është duke u toleruar. UNMIK-u nuk do t’i njohë rezultatet e këtyre zgjedhjeve, pasi që mbajtja e tyre është në kundërshtim me Rezolutën 1244, ka thënë Ivanko. Ai po ashtu ka shpjeguar se Beogradi është i njoftuar me këtë qëndrim, por se ai vazhdon të shkel këtë rezolutë. “Zgjedhjet lokale janë joligjore dhe nuk do të jenë valide, ngase, sipas Rezolutës 1244, në Kosovë vetëm UNMIK-u mund të organizojë zgjedhje lokale. Ne ua kemi transmetuar shumë qartë qëndrimin tonë qeveritarëve të Serbisë, mirëpo ata, përkundër kësaj, i kanë organizuar këto zgjedhje dhe me këtë kanë shkelur Rezolutën e Këshillit të Sigurimit të OKB-së, për të cilën thonë se e mbështesin”, ka thënë Ivanko. Sa i përket mbajtjes së zgjedhjeve parlamentare, ato nuk shihen problematike nga UNMIK-u. “Zgjedhjet parlamentare as nuk do t’i mbështesim e as nuk do t’i pengojmë”, ka thënë ai. /Telegrafi/
Nga shtypidites.com : 16:36 / 11 Maj '08

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim