Faqe e parëArkivëKontaktRSS

Kryetari i Lëvizjes Socialiste për Integrim, Ilir Meta, gjatë një konference për shtyp të dielën, tha se referendumi kundër ndryshimeve kushtetuese tashmë ka nisur dhe është i pandalshëm.
Një ditë pas mitingut të zhvilluar në Sheshin 'Skëndërbej' në Tiranë, kundër ndryshimeve kushtetuese, kreu i LSI-së falenderoi qytetarët për pjesëmarrjen në këtë miting, ndërsa nënvizoi se “me këtë rast dua t’i siguroj të gjithë qytetarët shqiptarë, që ndjehen të cënuar në liritë dhe sovranitetin e tyre, se referendumi, i cili tashmë ka nisur me fjalën e sovranit në sheshin "Skënderbej", është i pandalshëm".
Meta shprehu bindjen se  “nuk do të ketë teknikalitet dhe pretekst ligjor që të ndalë mbi një milion shqiptarë, për të shprehur vullnetin e tyre dhe për të marrë pjesë, jo thjesht në një referendum, por në një plebishit të vërtetë në mbrojtje të demokracisë.”
Ndërkohë, i pyetur lidhur me mundësinë e bashkëpunimit me Partinë Socialiste për zgjedhjet e 2009-ës, mundësi e cila është lënë e hapur nga ana e kreut të PS-së, Meta deklaroi se “të gjithë janë të mirëpritur të reflektojnë, madje dhe të ndihmojnë veten për të korrigjuar pendesën që mund të ndjejnë”.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim