Mblidhet komisioni shteteror për ndërtimin e parlamentit te ri

Mblidhet komisioni shteteror për ndërtimin  e parlamentit te ri

Komisioni Shtetëror prej 8 anëtarësh i krijuar për zbatimin e projektvendimit për "Për ndërtimin e kompleksit të ri parlamentar" miratoi të martën listën me studiot e njohura ndërkombëtare, të cilave do t'u dërgohet ftesa dhe rregullat e konkursit për ndërtimin e kompleksit parlamentar në vendin ku sot ngrihet Piramida, ish-muzeu i diktatorit Enver Hoxha. Komisioni vendosi shpalljen e njoftimit për organizimin e këtij konkursi në revistat e specializuara ndërkombëtare, si dhe miratoi rregulloren e organizimit të konkursit ndërkombëtar. Vendimi u miratua pas dy orë debatesh për konceptin e ndërtimit të kompleksit të ri parlamentar tek Piramida

Kryeministri Sali Berisha garantoi se qeveria nuk do të shpenzojë asnjë qindarkë më tepër për ndërtimin e parlamentit të ri në vendin ku sot ngrihet Piramida, ish- muzeu i diktatorit Hoxha, sesa do të shpenzonte për rikonstruksionin e godinës aktuale. Në mbledhjen e parë të Komitetit Shtetëror për ndërtimin e kompleksit të ri parlamentar, Berisha tha se rikontruksioni i godinës aktuale të Kuvendit shkonte 25 përqind më shumë se se ndërtimi i godinës së re të Parlamentit së bashku me ndërtimin e godinës së Gjykatës së Lartë. Duke mbrojtur idenë se parlamenti i ri duhet të ndërtohet tek Piramida, Berisha tha se “kjo godinë u ndërtua për të mbajtur trupin e Enver Hoxhës. Ka qënë Europa ajo që cilësoi se Enveri është si Hitleri, pasi Enveri shkatërroi popullin e tij”, tha Berisha.

 Kryetari i bashkisë së Tiranës, Edi Rama deklaroi në mbledhjen e Komitetit Shtetëror se Shqipërisë i duhet një parlament i ri, por ai duhet të ndërtohet ne baze te nje konkursi nderkombetar. "Jemi dakort qe parlamenti te ndertohet tek Piramida, por kjo gje të bëhet ashtu sic e bënë bota", tha Rama. Gjithsesi, gjate debatit me Kryeministrin, Rama tha se ndertimi i parlamentit te ri tek Piramida ka dy aspekte, njëri historik arkitektonik dhe aspekti tjetër financiar. Ai u shpreh ndër të tjera se për çështjen e parlamentit të ri ka pasur me pare një projekt dhe një konkurs ndërkombëtar. “Në momentin që gjithçka kishte përfunduar tanimë kalohet në një tjetër projekt nga e para, pa kuptim”, tha Rama.


ShtypiDites
English Italiano Deutsch Russian Trk Greek
Big Brother Albania 6, Tirana Hotels walmart coupons Office Depot Coupons bed bath and beyond coupon kohls coupons free coupons gazeta celesi Shakespeare Quotes What is ADHD Swag Quotes