Ende pa vendim per fatin e UNMIK-ut dhe EULEX-it - Kosovë
Ende pa vendim per fatin e UNMIK-ut dhe EULEX-it
Ka perfunduar pa ndonje sukses takimi joformal i Vjenes, ku perfaqesuesit e OKB-se, Bashkimit Evropian dhe perfaqesues te tjere, nuk kane arritur nje vendim per fatin e UNMIK-ut dhe EULEX-it ne Kosove, pas 15 qershorit, kur do te hyje ne fuqi Kushtetuta e Kosoves.
Shefi i UNMIK-ut, Joachim Ruecker pas këtij takimi ka thënë se çështja e vetme problematike mbetet sektori i sundimit të ligjit, përkatësisht vendosja e EULEX-it në Kosovë. Por ai konfirmoi se më 15 qershor UNMIK-u do të ndryshojë rolin e tij.
"UNMIK u vazhdimisht ka ndryshuar në bazë të rrethanave në mënyrë pragmatike që mund të them se do të vazhdojë të veprojë njësoj. Natyrisht se diçka do të ndryshojë pas 15 qershorit dhe ne do të përpiqemi të jemi sa më pragmatik nën mandatin tonë. Gjithsesi ne marrim udhëzime nga Nju Jorku", ka thënë Ruecker me të arritur në Prishtinë. /qik/
Për fatin e UNMIK-ut dhe EULEX-it sot do të diskutojë edhe Grupi Drejtues Ndërkombëtar për Kosovën që do të mblidhet në Prishtinë. Në këtë takim do të raportojnë kryeministri Hashim Thaçi dhe përfaqësuesi civil ndërkombëtar Peter Faith.
Në këtë takim do të marrin pjesë drejtorët politikë ose drejtorët për Ballkan në Ministritë e Jashtme të shteteve që e përbëjnë Grupin Drejtues Ndërkombëtar për Kosovën.
SHBA-të në këtë takim përfaqësohen nga zyrtarja e lartë e Departamentit të shtetit, Rosemary DiCarlo, e cila gjatë ditës do të ketë edhe takime veç e veç me liderët politikë kosovar. /qik/rtk/telegrafi/
Nga shtypidites.com : 10:31 / 22 Maj '08
Nga shtypidites.com : 10:31 / 22 Maj '08
| Komente |