Faqe e parëArkivëKontaktRSS

Telekomi i Maqedonisë so t'i paguajë qeverisë rreth 60 milionë euro si  dividend për vitet 2006-2007.
"Kompania duhet ta përkrahë qeverinë në rrugën e zhvillimit. Ata pranuan se qeveria dëshiron të bëjë reforma në shumë segmente për zhvillimin e shoqërisë", deklaroi të martën presidenti i Këshillit të drejtorëve të Telekomunikacionit të Maqedonisë, Zharko Lukovski.
Drejtori i parë ekzekutiv i Telekomit të Maqedonisë, Nikollaj Bekers, tha se ka pasur diskutime për këtë çështje mes aksionerëve dhe se ata kërkuan që çdo hap "të jetë financiarisht i arsyetuar", pasi edhe kompania planifikon të bëjë investime të mëdha në të ardhmen.
"Pas negociatave me Qeverinë, Maxhar Telekom shprehu mirëkuptim të plotë për qëllimet e qeverisë. Momentalisht, gjendja financiare e kompanisë lejon pagimin e dividendit dhe njëkohësisht investimet", tha Bekers.
Pagesa e dividendit do të bëhet më 30 shtator, pas miratimit të këtij vendimi nga asambleja e Telekomit të Maqedonisë, e cila është caktuar të mbahet më 3 shtator.
Në mbledhjen e djeshme, këshilli i drejtorëve mori vendim të rritë investimet kapitale të Telekomit të Maqedonisë në vitin 2008 me një shumë prej 28 milionë eurosh. Qeveria e Maqedonisë, si aksionerja më e madh në Telekom, kërkoi 60 milionë euro me arsyetimin se kompania nuk e kishte realizuar planin e investimeve.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e parë
• Informacion
• Arkivë
• Kontakt