Faqe e parëArkivëKontaktRSS

Viktimat e trafikimit dhe personat në risk trafikimi, të cilët trajtohen në qendra publike dhe jopublike të shërbimeve sociale, tashmë po trajtohen në bazë të disa standardeve, të cilat zhvillojnë të drejtat që sanksionohen në Kushtetutën e Republikës së Shqipërisë, në Konventat Ndërkombëtare të ratifikuara dhe rekomandimet e Këshillit të Europës për luftën kundër trafikimit. 
Këto standarde, të hartuara nga Ministria e Punës, Çështjeve Sociale dhe Shanseve të Barabarta (MPÇSSHB), mbështeten në parimet bazë si, respektimi, garantimi i vlerave të personalitetit të individit, të drejtat për të përfituar; mosdiskriminimi, ruajtja e konfidencialitetit të jetës private, integrimi shoqëror dhe pjesëmarrja në jetën e komunitetit, etj. 
Burime nga ministria bejne te ditur se standardet po mundësojnë mbështetje sociale, akomodim, informim, ndihmë mjekësore, psikologjike dhe materiale, edukim, punësim, mundësi trajnimi, masa për mbrojtje sociale, etj. 
Në proçesin e hartimit të standardeve, përveç strukturave të ministrise se Punes janë angazhuar ekspertë të Ministrisë së Brendshme, organizata aktive që kanë qendra të shërbimeve, organizata ndërkombëtare si, OSBE, UNICEF, IOM, KVKTNJ, përfaqësues nga pushteti vendor, etj. Aktualisht shërbimet për personat e trafikuar ose në rrezik trafikimi ofrohen nga Qendra publike për Pritjen e Viktimave të Trafikut dhe nga disa qendra/strehëza riintegruese të ngritura nga OJF-të. Në këto qendra trajtohen afro 130 viktima të trafikuara ose në rrezik trafikimi, sipas Ministrisë së Punës, Çështjeve Sociale dhe Shanseve të Barabarta.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e parë
• Informacion
• Arkivë
• Kontakt